قصيده مدح بشخص عزيز وقصيده لابن عمي

اذكر اني كتبت قصيده مدح في احد الاشخاص العزيزين علي وقلت فيها

بسم اللذي تسجد له الانس والجان * * * رب البريه شافي(ن) كل عله
بأكتب قصيدي مدح لأبن عبدان * * * اللي على العدى سيف(ن) تسله
أخو طرفه نخوتك جوف بركان * * * ماهي بنخوه رخوم(ن) بافعاله تمله
لا واهني اللي عندكم ذاق فنجان * * * في وصفكم بأعقد قصيدي وأحله
ما يكفي قصيدي لك يا عزيز الشان * * * ومن زود الكرم تنطق فنجان ودله
ومن عاشر العبدان ماهو بغلطان * * * حيو الرجال اللي للخوي دووم ظله

وسمعها واحد من عيال عمي وعزيز على وهو بالنسبه لي اكثر من اخو ومن كنا صغار مع بعض
وبدى يتشره لي ما تكتب قصيده فيني ولا ما استاهل قلت تستاهل الطيب .قال انا ابي 5 ابيات
للعشره اللي بيننا . وهو والله وجه يستاهل
==========
وقلت فيه


يا غازي اللي لك عندنا حشمه وتقدير * * * احلى صباح اهديك كرامه وحشيمه
ياطيب النسل عنزي عسى فالنا خير * * * وان كان حبك مشكله قلها جريمه
بأكتب كلام بخاطري دون تقصير * * * طيب ..وفي .. صاحب نخوه وشيمه
وهذي صفات الوايلي من جدنا الزير * * * ليوم تفنى دنيتي وتصبح رميمه
واللي تبيه يصير لو ما يصير * * * انت الخوي في زمن تكثر حريمه



واتمنى تكون القصائد اعجبتكم ولكم تحيات اخوكم احمد العنزي

احمد العنزي

صح اللسانك ونعم فيك ونعم بولد عمك ونعم بخويك بعد

والله يخليكم لبعض ولايفرق بينكم ان شالله

وتقبل تحيات بناخيك : بندر الميهوبي

تبسم يالميهوبي على المرور والمشاركه

السلام عليكم ورحمة الله وبركاته

هلابك يبناخي (( السبيعي))


والله ونعم فيك وابولد عمك


وصح الله السانك والسانه

وماقصرت


الله يخليكم اللبعض ومايفرقكم احد ان شاءالله

اخوكم: نواف الميهوبي

شكرا على الطراء الطيب ياعزيزي الميهوبي

وشكرا

بسم الله الرحمن الرحيم


صح السانك اخوي السبيعي ولا هنت على القصيده الاكثر من رائعه وانتظر ابدعاتك وتراني من أشد المتابعين لك والسلام ختام

هلا وغلا اخوي وتاج راسي ابو وايل الحبلاني

تأكد ان مدحك لي وسام افتخر فيه واعجابك بمشاركاتي فخر والله العظيم
وانشالله راح تشوف مشاركات تعجبك بأذن الكريم