جديد المواضيع

 
 



إضافة رد
 
أدوات الموضوع انواع عرض الموضوع
قديم 06-03-2006, 01:39 PM   #1
عضو منتديات عنزة الوائلية
 
الصورة الرمزية النجداوي
 
تاريخ التسجيل: Jan 2004
المشاركات: 3,593
ذياب بن غانم وأبو زيد الهلالي والزناتي






مر على بني هلال حين من الدهر أصابهم فيه الجوع , فقد شحت المراعي وقل الكلأ والمرعى , فمات أكثر حلالهم وأصاب القبيلة كلها الجوع والعطش فاقترحوا إرسال شخص يستكشف لهم الأراضي ويبحث لهم عن الأرض الطيبة فترحل لها كل القبيلة , وبالفعل نال هذا الاقتراح إجماع كل القبيلة إلا أنهم حاروا فيمن يرسلون وكان بالقبيلة شخص مسنّ - وقيل إنها عجوز - هذا الشخص يؤخذ رأيه فاستشاروه فيمن يرسلون فاشترط عليهم شرطاً قبل أن يقترحون من يرسلون وكان شرطه أن ترحل القبيلة كلها مسيرة يوم كامل بدون توقف وبعدها يعلمهم من هو الشخص المناسب , وبالفعل رحلت القبيلة مسيرة يوم كامل بدون توقف وبعد أن نزلوا بالمكان المحدد رجعوا له وسألوه عن الشخص فقال لهم هو أبو زيد الهلالي سلامه . . . فسألوه عن سبب اختياره له فقال أثناء رحيلنا لاحظت كل أبناء القبيلة يراوحون بالركوب بين ورك وورك أثناء الركوب على المطية إلا أبا زيد فقد كان ركوبه على ورك واحد حتى نزل وهذا دليل صبره وجلادته . . . واختاروه فعلا وأرسلوه , وقد طلب أن يرافقه اثنان من أبناء القبيلة ورحل هو ورفاقه يبحثون عن المرعى للقبيلة كلها . . . وطال بهم المسير دون جدوى , وتقطعت مطاياهم , وأصابهم الجوع فكانوا قرب قرية فنزلوا بسوقها ولم يجدوا من يطعمهم , كما لم يوفقوا إلى عمل يرتزقون منه . . . فاحتاروا بأمرهم , وكان أبو زيد واسع الحيلة داهية فاقترح على رفاقه أن يبيعوه في سوق المدينة على أنه عبد لهم , فقد كان أسمر اللون . . . وأما إلحاحه وافقوه على أن يبيعوه ويشتروا بثمنه مطايا وزاداً لهم , ويواصلوا البحث . . . أما هو فقد قال لهم أنه سيستطيع تخليص نفسه , على شرط أن يواصلوا هم البحث عن المراعي للقبيلة فاتفق الثلاثة ونزلوا سوق المدينة . . وباعوه . . وقبضوا الثمن كما تم الاتفاق واشتروا بثمنه المطايا والمتاع . . . وقد كان ينوي الهرب من سيده الذي استراه , إلا أن هذا السيد كان نبيلاً وطيباً , أولاه ثقته وجعله وكيلاً على أمواله فصعب على أبو زيد أن يخون الأمانة ويهرب . . . ومن هنا كانت معاناته واستمر في خدمته فتره . . . وذات مرة كانوا جالسين بمجلس هذا السيد وأبو زيد بالقرب من الدلال يصنع القهوة . . . فتمنى السيد من يجيد العزف على الربابة ليحلوا لهم السمر فعرف أبو زيد أنها فرصته فنهض مسرعاً وأخذ الربابة وأنشد يقول

يقـول الهـلالي والهـلالي سـلامـه=شـوف الفجـوج الخاليـات تــروع
يقـول الهـلالي والهـلالي سـلامـه=يبغـي الطمـع وهـو وراه طمــوع
لابد عقـب الوقـت من لايـح الحيـا=مـن بارقـن يوصـي سنـاه لمـوع
لابـرقـن إلا فـي حجـا مستهلــه=ولا طـرقـي إلا مـن وراه نجــوع
ولا ضحـك إلا البكـا مـردفـن لـه=ولا شبعــة إلا مقتفيهــا جـــوع
ولا يــدن إلا يــد الله فـوقهــا=ولا طـايــرات إلا وهـن وقــوع
ألا يا حمامتيـن فوق نبنـوب دوحـة=وراكـن فرقـن والحمــام ربــوع
حمـامتيـن جعـل تبلــن بنــادر=حـر قطـوع وجـاري لـه جــوع
وراكـن مـا تبكـن عليـا مظنتــي=لو كـان مـا يجـري لكـن دمـوع
أبكي عليهـا ليـن حفيـت نواظـري=ولانـي بمـن تدبيـر الإلـه جـزوع
حشى ما لاق غير الجـازي أم محمـد=عليهـا ثويـب الطيلســان لمــوع
تنفـق كمـا نفـق الوغيـد مـع أمـه=وتحـط الهـوى في قلـب كل ولـوع


وهذه من قصائد الزناتي خليفه


يقـول الزناتـي والزناتـي خليـفـه=نفس الفتـى لا بدهـا مـن زوالهـا
حلمت ليا ناش(ن ) من الشرق مزنـه=تمطر كمـا شـوك البلنـزا خيالهـا
مشت خميس( ن) وامطرت يوم جمعه=وهلـت علـى قومـي مقـدم فعالهـا
مطرها السبايـا والصبايـا وبرقهـا=سيوف( ن) تلظا في يمانـي رجالهـا
ياليتنـي مـا صـرت شيـخ لقابـس=واهني نفس ( ن) ما عليهـا ولا لهـا
واهني نفس(ن) ما كلت مـال مسلـم=ولا اخلطـت مـال اليتامـا بمالـهـا
نظرت بقومي نظرة (ن) ما تسرنـي=وجيـه العـذارى طلقوهـا رجالهـا
كبـار اللحـا لا بـارك الله باللحـي=صغار اللحي شبـوا بقومـي فعالهـا
الا وابـلادي زينـة المـا مريـفـه=مدعوجـة (ن) بالنيـل تنـدا جبالهـا
مساس عن الرمضا دكاك عن الحصا=والبق والبرغـوث مـا جـا بجالهـا
واشيب عيني مـن عريـب تنزلـوا=على مجنب البطحـا وبنـوا حلالهـا
بنـوا حـلال مـن حلالـي قريـبـه=بنـوا حـلال شـاق عينـي دلالهـا
تـرى خيلنـا تسعيـن الـف نعدهـا=وتذكـر لنـا خيـل الهلالـي مثالهـا
ولوتجتمـع خيـل الهلالـي وخيلنـا=ابـا زيـد يركيهـا ويركـي مثالهـا
خان الصفيـرا يـوم خانـت بابوهـا=ولا بنـت الا فـان ابوهـا دلالـهـا
تشير بربط القـوم واطـلاق عبدهـم=واثـر عبيـد القـوم حامـي ثقالهـا
اثـر عبيـد القـوم زيـزوم سربـه=يجـر القنـا جـر السوانـي حبالهـا
يشل الدمي شل الدلـي يـوم تمتلـي=لاماحهـا الزعـاب ثـم ارتكالـهـا
سيفه تعايـوا عنـه صنـاع دمشـق=ليـا ولا جمجمـة الـراس شالـهـا
لكن عوى شامان في طـوس روسنـا=عوا ذيبة ( ن) تعوي لذيب (ن) عوالها
وانا شاهد(ن) للعبد فـي ربـع هدتـه=ثمانين مـن قومـي قلايـع رجالهـا
هذا لـو ان العبـد قـد هـد مثلهـا=علـي كـان التـرك تيتـم عيالـهـا
اثـره اميـر ولـد اميـر مـجـرب=ليـا هـد تعطيـه السبايـا كفالـهـا
ترى ما يجي عني مثل حذفه العصـا=واسرع مـن دور الرحـا اشتغالهـا
ولولا بخـط الرمـل شيفـت منيتـي=بسيـف ذيـاب قـد لابازيـد ازالهـا
هـو قـدم قومـه وانـا قـدم قومـي=وهـو فهـد القنـاص وانـا غزالهـا
حذرا من اللي كفيـت القـدر وجهـه=لا جا جنوب الخيل صيـروا شمالهـا
اللـي قلـع حـدري ثمانيـن سابـق=كبيشات ما في نجـد ربـي امثالهـا
واللي قلعت حدره مـن الخيـل تسـع=والعاشره بالسيف انـا زلـت حالهـا
اليا اعقر لـه سابـق جـاه مثلاهـا=واليا اعقر لـي سابـق جـا مثالهـا
ان امهلت دنـاي وادركـت هقوتـي=لازيل الصفيرى عـن حيـاة تنالهـا
مهبول يا مهبـول مـن يامـن النسـا=ومن يامن الحرمـه الا اقفـت بفالهـا
ليا بغـت درب الـردا مـا يكودهـا=تاطـاه لـو انـه حماقـا رجالـهـا

ورثت سعدىبنت الزناتي ابوها في قصيده تقول فيها

تقول فتاة الحيّ سعدىiوهاضهـا=لها في ضعون الباكيين عويـل
أيا سايلٍ عن قبر الزناتي خليفه=خذالنعت مني لاتكـون iiهبيـل
تراه العالي الـواردات وفوقـه=من الربط عيّساوي بناه iiطويل
وله يميل الغور من سايل النقا =بهالـواد شـرقٍ والبـراع دليـل
أيا لهف كبدي يالزناتي خليفـه=قد كان لعقاب الجيـاد iiسليـل
قتيل لفتى الهيجاء ذياب بن غانم=جراحه كأفـواه المـزاد تسيـل
ياجارنا مات الزناتـي خليفـه=لاترحـل ألا ان يريـد رحيـل


وخاض بني هلال معارك كثيره ومن ضمنها معركه اصيب فيها الفارس ذياب بن غانم الزعبي وكان بني هلال في هذه المعركه ثلاثين رجل هرب منهم عشره وعشره خافوا ولم يتقدموا وتقدم لهم عشره منهم ابوزيد الهلالي وذياب بن غانم وسرور بن قايد وهو من فرسان بني هلال وكان العدو قد نصب كمين لبني هلال وجهز الف رجل للقاء بني هلال وبعد ان التقوا واشتبكوا تقدم واحد من العدو واسمه ( وهق ) وضرب ذياب ضربه جرحته وافقدته الوعي وعندما صحي انشد قصيده يمتدح فيها فعل جماعته الذين صمدوا ويذكر فعل عدوه وهق الذي اصابه يقول ذياب :


*


يقول الفتى الزعبي ذياب بن غانـم=لي راي(ن) اقسى من حديد المبـارد
ولي حربة (ن) سميتها (سم ساعـه)=اعـرض بهـا فالكـون مـا كايـد
حنا بلينـا فالخـلا بالـف فـارس=وحـنـا ثلاثـيـن ولا زاد زايــد
اهل عشر منا تـدب الخيـل بالقنـا=كز(ن) ليا شـروا هشيـم الوقايـد
ابا زيد من ايمنهم وانا من شمالهـم=كما النار لا شبت ببعض الحصايـد
واهل عشر منا هملوا روس خيلهـم=واهل عشر منـا موكديـن الشهايـد
ينخون خيال (ن) بهم مـا عرفتـه=يقولون يا وهـق يـا ابـا العوايـد
ضربني وهق وانا مشيح(ن) لغيـره=وليا الدرع غاد(ن) فوق متني بجايد
ضربني برمح (ن) تسعة ابواع طوله=وقنطاره اللي من ورى الباع زايـد
سديته بسمـاي وثوبـي ومشلحـي=ايضـا ولا سـده جميـع السدايـد
ولكن طاحت الدهما وانا طحت فوقها=يا طيحة(ن) ما هـي لنـا بالعوايـد
ولكن قامت ا لدهمـا تومـي بعدتـه=وانا كما شن (ن) على القـاع بايـد
وانا رفعت الراس من بعـد سـدره=ليا الخيل يدبها سـرور بـن قايـد
على سرج قبا عنـدل بنـت عنـدل=مرفوعة الذرعان مـن خيـل قايـد
قل عشت يا قرم(ن) ثنا دون ربعـه=بيوم (ن) به المسنـاد والـرد كايـد
حنا عصافير (ن) وابا زيـد سـدره=نلوذ بـه عـن مرهفـات الحدايـد


ومن فرسان بني هلال الذين قتلوا في هذه المعارك عمير بن راشد وقد قالت اخته عميره فيه قصيده ترثيه فيها تقول عميره


قالت عميره بنت من يمنع التـلا=قيل حثاحيـث القبايـل رحايلـه
قيل الى من عد في وسط مجلـس=تعايا به الفهام عـن اثـم قايلـه
عزي لراع الغوج وان لحقن اربع=والخامسه دز العكا مـن سلايلـه
عليهن بالجهلا عمير بـن راشـد=اخوي الذي تشكي العدا من فعايله
اخوي الذي ما جابت البيض مثله=ما هوب غرجا يـوازي حمايلـه
مدمي خشوم الفوس من شمخ الذرا=عمير ليا عيا على الحـب كايلـه
ليا هبت النكبا وقل وابـل الحيـا=تلقـى عميـر كاثـرات نزايلـه
وحنا الذي نكتال بالصـاع وافـي=واللـي يعادينـا انهفـي مكايلـه
وحنا الذي نعزي الجنيني عن امه=وحنا الذي نعزي الفتا عن حلايله



اشتدت المعارك على بني هلال وكانت بقياده العلام اللي اسرف في قتل فرسان بني هلال ولا احد يقدر صده الا ابو زيد اللي سبق ان تعاهد معه عند القدور ان ما احد منهم يقتل الثاني


مالقى ابو زيد حيله او أي طريقه يتخلص منها من العلام

راح واستشار عجوز طاعنه با لسن وقال لها انه يريد أن يقتل العلام حتى لو خالف عهده

قالت العجوز لا تقتله لكن اعقر فرسه ( يعني اقتلها ) اذا كثروا الفرسان من حوله لان العهد اللي بينكم انكم ما تقتلون بعض ولا تعاهدوا على الخيل واذا طاح بين الفرسان استطاعوا قتله

بدات المعركه في اليوم الثاني وكان هدف ابو زيد قتل فرس العلام وكان ينتظر ان يكثروا من حوله الفرسان وفعلا عندما اشتبكوا وكثر من حوله الفرسان ضرب ابو زيد فرس العلام وقتلها قال العلام لابو زيد



ابا زيد بقت العهد الذين بيننا = تبوق عهد الله يالغدار

قال ابو زيد
لك الله يالعلام ماني ببايق =ما بيننا والسابقات جوار

قال العلام
ابازيد جرني سبق الخيل جنني=عليها حماقا يدعون بثار

قال ابو زيد
لك الله يالعلام ماني بشيخهم *=قدمي كبار ومقتفين صغار

قال العلام
خذ السيف والدبوس مني هديه = قدام لا اذبح يوخذن جهار

قال ابو زيد
اهب يالعلام ما اقوى باسك =لو هي بغيرك كان عقله طار

قال العلام
والله يا لو به مدفع ما لحقتني = لو رف مهرك بالجناح وطار
ولو دامت العباد تقرا مصاحف =يوم(ن) دنا ما زودوه نهار


يقول ابو زيد


*


يقـول ابـو زيـد الهلالـي سلامـه=قلبـي لعبـا بيـن شـاري وسـايـم
قالـوا تقـدم ياسلامـه فـلا هـفـا=مقامك يـا ذيـب السرايـا الدواهـم
طلبت الفتى يحيى ومرعـي ويونـس=ولا غيـر هـذا ولا رفيـق يـوالـم
دعيتهـم والـكـل دنــا قلـوصـه=دعيتهـم ثـم احرمـوا بالمـحـارم
سرنا بليل(ن) بـه قليـل(ن) نجومـه=مغلنطـس والجـدي بالجـو حـايـم
سرنـا لمـا قالـوا الربـع كلـهـم=زهابنـا كمـل حــذات الذمـايـم
قلت ابشروا ثـم ابشـوا ثـم ابشـوا=بعـز(ن) ورد كـل يـوم (ن) يوالـم
سرنـا مـع الحـرات تسعيـن ليلـه=نقـود ا لطوعـات خلـف الجهايـم
وردنا بها تسعين عيـن(ن) غزيـره=ولا اسقانـا عقـب الفـلا للبهـايـم
سرنـا علـى اللـي بالقـا واعديينـا=على شيخنـا غاديـن مثـل العلايـم
عزلنـا لهـم تسعيـن الـف مـدرع=من اهل عزوتي واهل الوفى والعزايم
ضربنا بهم ضرب(ن) بدوس(ن) وهمه=كـز العوالـي والسيـوف الصيـارم
تبك الصفيرا عبـرة(ن) بعـد عبـره=تزيـد علـى ماقيـل آه(ن) وهـايـم
وقال ابن سرحـان عليهـا مجـوره=حـرام (ن) عليهـا مالغيـري تلايـم
قـال ذيــاب بـدلـوا ذا بغـيـره=انا شوقها انـا ستـر قـان الرقايـم
كثـرت مـن هـذا وكثـرت مثـلـه=وطال العيا بينـي وبيـن بـن غانـم
ولا يــد الا ويــد الله فـوقـهـا=ولا ظـالـم الا ويبـلـى بـظـالـم
واعمارنـا راحـت نـداري زماننـا=ولا خير في عمـر(ن) مـداره دايـم
ولا خير فـي عمـر الفتـى وحياتـه=ليا عـاد مـا تكثـر عليـه الجرايـم
لك الله مـا ذقنـا بنجـد(ن) طرابـه=حذا العيـد اوحـذا ليـال الصرايـم
يانجـد لـو ان الجفـى منـك مـره=صبرنـا لكـن الجفـى منـك دايـم
يا نجد وان جاك الحيا فارسلـي لنـا=مع الطير والا مـع هبـوب النسايـم
يا نجد وان جاك الحيا فاصعقـي لنـا=صوت (ن) رفيع موقض(ن) كل نايـم
سرنـا خـلا العـد تسعيـن ليـلـه=ليا دار قوم (ن) مـن كبـار العمايـم
سعولنـا بحبـال شــرع قطـايـب=حطـو يدينـا مـن ورانـا حزايـم
قال احبسوهم عنـد سعـدى وحيهـا=لمـا يجـي فيهـم امــام يـسـاوم
اقفوا بنـا والفـوا بنـا عنـد منـزل=بدر(ن) تجلا عنـه بعـض الغمايـم
قالـت لنـا يالربـع ويـن دياركـم=ومنين جيتـوا يـا رجـال العزايـم
قلنـا لهـا حجـاج مـن دار عامـر=تقـازا بنـا اكـوار البكـار الهمايـم
قالـت لنـا والله مــا ذا بعلمـكـم=كذبتـوا علينـا يـا وجيـه الخدايـم
معي علمكم من يوم سرتوا من اهلكـم=تقـازا بـك اكـوار البكـار الهمايـم
معي علمكم يحيى ومرعـي ويونـس=وابا زيـد لبـاس الـدروع الرسايـم
قلنـا عطـاك البيـن انتـي طبيبـه=او زاد لـك بيـن السرايـر معـالـم
قالـت لـنـا والله مـانـي طبيـبـه=ماغير اشوف اللي به المـوت حايـم
ابـا زيـد لابــد مــا تملكونـنـا=وتسعون لنا بعـض الليالـي وهايـم
ويذبـح ذيـاب او سميـه والــدي=وياخذنـي منـك ذيـاب بـن غانـم
قلـت قولـي خيـر عسـى تاجدينـه=وربـي لـراع الخيـر يلقـاه دايـم
راحت تخطى يـم ابوهـا تقـول لـه=الا يا ابـو احـذر لشـوري تعاسـم
يا ابوي ربـط العبـد يدنـي معيـره=لو كان فـي وسـط القبـور الهدايـم
قـال لهـا يابنـت شـورك مبـارك=قومي وجـزي حبـل نسـل الخدايـم
جتنا تخطى فرحة(ن) غيـر كرهـه=تقول ابشروا يالربع ابـا زيـد سالـم
دنيـت للزيـزا صميـل ومـزهـب=ودنيت لي رمـح(ن) طويـل العلايـم
ودنيـت لـي مـا مونـة هيلكـيـه=وان سندت لي قاعد(ن) صرت قايـم
اللي سرتهـا تسعيـن ليلـه وانختهـا=ليا حسن فـي نجـد اثـار المكـارم
تجينـي النجـلا تفـتـش مزهـبـي=ولقت خطوط (ن) فيه زيـن الرسايـم
قالت ابا زيد هو ما قال يحيى وقلت له=حث الخطا ليـا نـادم الحـي نـادم
قامت تناعت لـي رجـال الزعامـه=يالبيـض طلعـن الغطـا واللثـايـم
وصاح ابن سرحـان بشبـان قومـه=وترى اول من مشى ذياب بـن غانـم
سرنا على هجن(ن) قد انقـاد حيهـا=وعرض لنا طيـر الفـلاح ام سالـم



في ها الوقت طاح المطر على الجزيره العربيه وتاخر ابو زيد ما رجع لعليا وارسل له قصيده تساله عن اسباب غيبته وان المطر نزل على ديارهم في نجد ووقتها كانت عليا في بيشه تقول عليا
*


ياركب اللي مـن عقيـلٍ تقللـو=على ضمرٍ شروى الحنايا نحايل
ابا اوصيكم وصاةٍ ماتثقّل ركابكم=خفيفه على راعي الثنا والجمايـل
واليا لفيتو لاهلكم عقـب غربـه=متغبطينٍ فـي بطـون الحلايـل
فقولو لبو زيـدانّ بغانـي بغيتـه=وأنّ دوّر البـدلا لقينـا البدايـل
كمٍ رجوس الحجل تبلـى بعاقـه=وكمّ عقةٍ تبلى بوافـي الخصايـل
أنجبت أخضـر مايـزرر ثيابـه=هبيل يلعـب بالقلـوب الهبايـل
والله لولا البحـر بينـي وبينـه=جيته على وجناّ من الهجن حايل
أبا زيد غرّات الصبـا لاتغـرّك=ترى الهجن خيرٍ بالسرا والقوايل
بالشتا عليك من الهجن سمرغيّـه=وبالقيظ دوّر من كبـار الشمايـل
غزاليّـة المقـدم جماليّـة القفـا=عليكم بهـا ياراكبيـن الرحايـل
أبا زيد لوّ انّ النسا تركب النضا=جيتك على وجناّ من الجيش حايل
لكن صريخ الكور حدري وفوقها=صريخ القطا في محكمات الحبايل
أبا زيد تنساني وتنسـى جمايلـي=الله أكبـر يانـكـور الجمـايـل
نسيت يوم انّ عرقات الارطا بيننا=يوم انّ جعدي فوق متنيك مايـل



ويوم وصلت الرساله لابوزيد ركب ذلوله وتوجه لبيشه اول ما وصل وشاف عليا عرفها وقبل ما تعرفه ويوم تعرفت عليه استغربت من شكله متغير وقالت له

وراك يا ابوزيد غاد(ن) شايب = شايب ومشهوهب وكنك ذيب
انا اشهد ان البعد ما يهم طيب = ولا هو على جزل الرجال صعيب

قال ابو زيد

بلا من هجرك ومن غربة النيا = ومن نوبتن تزمي وهذيك تهيب
اهلك بالوديان وديان بيشه =واهلي شمال الشمس يوم تغيب


وعلمي وسلامتكم













نقرتين لعرض الصورة في صفحة مستقلة
النجداوي غير متصل   رد مع اقتباس
قديم 06-03-2006, 02:15 PM   #2
مدير الموقع
 
الصورة الرمزية نايف عبدالله الركابي
 
تاريخ التسجيل: Sep 2003
الدولة: الرياض
المشاركات: 15,366
مشاركة: ذياب بن غانم وأبو زيد الهلالي والزناتي

لنجداوي

كتبت فأبدعت فلك الشكر على ذكر مقتطفات من سيرة بني هلال وأشعارهم

بارك الله فيك






نقرتين لعرض الصورة في صفحة مستقلة
نايف عبدالله الركابي غير متصل   رد مع اقتباس
قديم 06-03-2006, 02:51 PM   #3
عضو منتديات عنزة الوائلية
 
تاريخ التسجيل: Feb 2006
الدولة: الرياض
المشاركات: 1,685
مشاركة: ذياب بن غانم وأبو زيد الهلالي والزناتي

النجداوي الله يعطيك العافية
بصراحة أمتعتنا
بارك الله فيك
تحياتي،،،،،،،،،،،،،،،،،
عبدالرحمن عبيد الميهوبي غير متصل   رد مع اقتباس
قديم 07-03-2006, 01:57 AM   #4
عضو منتدى قبيلة عنزة
 
الصورة الرمزية عبدالكريم الجعفري
 
تاريخ التسجيل: Apr 2004
المشاركات: 9,270
مشاركة: ذياب بن غانم وأبو زيد الهلالي والزناتي

الله يعطيك العافيه اخوي النجداوي

جهد جبار تشكر عليه يالغالي


تحياتي ,,,
عبدالكريم الجعفري غير متصل   رد مع اقتباس
قديم 07-03-2006, 09:18 AM   #5
شـــــــاعر
 
الصورة الرمزية هزاع الساري
 
تاريخ التسجيل: Dec 2003
الدولة: غصب عن عيني مسافر
المشاركات: 21,298
مشاركة: ذياب بن غانم وأبو زيد الهلالي والزناتي

بارك الله فيك يا اخي النجداوي



موضوع جميل عن سيرة بني هلال


دمت بود
هزاع الساري غير متصل   رد مع اقتباس
قديم 16-03-2006, 02:11 PM   #6
عضو منتديات عنزة الوائلية
 
تاريخ التسجيل: Nov 2005
المشاركات: 14
مشاركة: ذياب بن غانم وأبو زيد الهلالي والزناتي

الله يعطيك العافيه يالنجداوي

لكن المعروف أن ذياب بن غانم من زغب وليس زعب
والمعروف أن زغب من بني هلال وزعب من بني سليم
المضياني الجميلي غير متصل   رد مع اقتباس
قديم 16-03-2006, 03:19 PM   #7
عضو منتديات عنزة الوائلية
 
تاريخ التسجيل: Dec 2003
المشاركات: 504
مشاركة: ذياب بن غانم وأبو زيد الهلالي والزناتي

ماقصرت يالنجداوي بصراحه استمتعنا بالقصه

وعساك سالم وغانم






نقرتين لعرض الصورة في صفحة مستقلة
سالم الضوي غير متصل   رد مع اقتباس
قديم 19-03-2006, 03:13 PM   #8
عضو شرف
 
تاريخ التسجيل: Nov 2003
المشاركات: 435
مشاركة: ذياب بن غانم وأبو زيد الهلالي والزناتي

الله يعطيك العافيه اخوي النجداوي

جهد جبار تشكر عليه يالغالي






مقبل الركابي غير متصل   رد مع اقتباس
قديم 07-03-2007, 01:19 PM   #9
عضو منتديات عنزة الوائلية
 
الصورة الرمزية النجداوي
 
تاريخ التسجيل: Jan 2004
المشاركات: 3,593
رد: ذياب بن غانم وأبو زيد الهلالي والزناتي

يعطيكم العافيه على التعليقات واسف

على التاخير







نقرتين لعرض الصورة في صفحة مستقلة
النجداوي غير متصل   رد مع اقتباس
قديم 07-03-2007, 01:55 PM   #10
عضو منتديات عنزة الوائلية
 
الصورة الرمزية ahmad_a
 
تاريخ التسجيل: Apr 2006
الدولة: الرياض
المشاركات: 1,535
رد: ذياب بن غانم وأبو زيد الهلالي والزناتي

يعطيك العافية يالنجداوي

على ذكر بعض قصائد بني هلال
ahmad_a غير متصل   رد مع اقتباس
إضافة رد

الكلمات الدلالية (Tags)
أبو زيد الهلالي, الزناتي, ذياب بن غانم


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
الشاعر الكبير : منسي ذياب في منتدى قبيلة عنزه مشعل الفدغوش ˚ஐ˚منتدى الشعر الشعبـــي˚ஐ˚ 9 10-07-2006 10:04 AM
يقول ابو زيد الهلالي سلامه احمد بن راشد الهيزعي ˚ஐ˚منتدى الشعر الشعبـــي˚ஐ˚ 6 09-12-2004 10:58 AM
قصيده للشاعر ذياب الصقري مملوح الوصايف ˚ஐ˚منتدى الشعر الشعبـــي˚ஐ˚ 8 16-01-2004 08:27 PM


الساعة الآن 11:28 PM


Powered by vBulletin® Copyright ©2000 - 2014, Jelsoft Enterprises Ltd. TranZ By Almuhajir
المقالات تعبر عن رأي كاتبها ولاتعبر عن رأي إدارة المنتدى - منتدى عنزة الرسمي